جريدة صوت الشعراء قصيدة سر الكلام للشاعر احمد جابر سويلم

--------سر الكلام-------كلمات الشاعر احمد جابر سويلم
من الف كلمه وكلمه
كان الكلام موزون
انا قلت اكتب كلامى
واخلف بحبى ظنون
فيه ناس تشوفك تستحى
وناس تقول مجنون
الحب لابايدى ولابايدك
الحب فى القلوب مكنون
اللى يحبه ربنا
تحبه العباد بجنون
اللى يدوس عالدنيا تخدعله
واللى يحبها يخسر كتير فى الكون
فيه ناس بتجرى
وجريها على الفاضى
وناس حكمها القرش
وكرشها منفوخ على الفاضى
وناس تحبك وناس تكرهك
وناس عليها تتمنى تكون راضى
وناس المال ضيع منامها
وناس تنام الليل والرب عنها راضى
احسب حساب دنيتك
وكن لها قاضى
ووزن كلامك واعقله
واحزر يكون فاضى
فيه ناس معاها المال
وناس معاها الصحه
وناس لامال ولاصحة
وبحكم ربنا راضى
قالو الصحابه انواع
تصاحب راجل تعيش راجل
وان مت تموت راجل
واللى يصاحب ندل
يعيش ندل وللرجوله مش راجل