جريدة صوت الشعراء قصيدة رسالة لكل اب للشاعر محمد البلاط

رساله لكل اب

صداقتك ليا بيها شبعت --------- بقلم محمد البلاط

يا هند منى زعلانه وشايفك للكلام قطعاه

وفاكره ان انا كارهك وكاره كل شىء حباه

........................

صحيح يابا فى جوايا الم ان بس بيه حساه

وشايفه كل شىء رافضه وخاصه اللى انا حباه

فيه كام واحد قصد بابك وطالبنى وانا رفضاه

وكام واحد رافض طلبه ومن قلبى انا عايزاه

وليك انا طايعه مكسوره وخايفه تكون فى الصوره

امام الخلق والخالق عاصى لربك وامر الله

....................................

يا هند كسرتى مقدافى وكلامك صحيح صافى

ورفضى للعريس مش كره يا هند رفضى من خوفى

........................................

يابا زمنى خلاف زمنك بتستنظر يجيى شبهك

وقطر الزواج ماشى وهيفتنى وانا جواه

وفاكر ان انا طفله ومش فاهمه اللى واخده معاه

وعارفه الجواز قسمه وليا اللى انا رفضاه

وحبل الود يتقطع بينى وبين اللى انا عايزاه

............................................................

كبرتى يا هند وفهمتى واسف ليكى يا بنتى

مكنتش فاهم ان انتى لكى احساس وحساه

ووعد يا هند اجيبلك بأيدى كل مطالبك

ولو اقصد راجل حبك وانتى يا بنتى ليه حباه

.............................................

كلامك ليا خدرنى واعصابى خلاص هديت

وقلبى ليك اتصفى وجيوبه خلاص فضيت

وحاسه ان اصحابى زادوا واحد وبيك ارتحت

واخر كلمه بقولها

صداقتك ليا بيها شبعت